TSCOC

Salamlama

Hörmətli xanımlar və cənablar,

Türk Dünyası ilə səhiyyə sahəsində əməkdaşlığın gücləndirilməsi Azərbaycan Respublikası Səhiyyə Nazirliyinin əsas prioritetlərindən biridir.

4-7 oktyabr 2024-cü il tarixlərində Bakıda Gülüstan Sarayında I Türk Dövlətlərinin Kardioonkoloji Konqresinə ev sahibliyi etməyi planlaşdırırıq. Konqresdə kardioonkologiya sahəsində ixtisaslaşmış elmi və tibbi müəssisələrinin, eləcə də peşəkar cəmiyyətlərin iştirakı gözlənilir.

Konqresin məqsədi bu sahədə müasir yanaşmanı bölüşmək, birgə tədqiqat imkanlarını nəzərdən keçirmək və ürək-damar xəstəliklərinin müalicəsində əhaliyə göstərilən səhiyyə xidmətlərinin keyfiyyətini artırmaq üçün Türk Dünyasından olan kardioonkologiya mütəxəssislərini bir araya gətirməkdir. Elmi müzakirələrə və təcrübə mübadiləsinə həsr olunmuş dəyirmi masalar və simpoziumlar üç gün davam edəcək. I Türk Dövlətləri Kardioonkoloji Konqresin 2024-cü il oktyabrın 7-də Bakıda təntənəli açılışı olacaq.

Teymur Musayev

Azərbaycan Respublikası Səhiyyə Naziri

Dəvət

Türk Dünyası ilə səhiyyə sahəsində əməkdaşlığın gücləndirilməsi Azərbaycan Respublikası Səhiyyə Nazirliyinin əsas prioritetlərindən biridir.

4-7 oktyabr 2024-cü il tarixlərində Bakıda Gülüstan Sarayında I Türk Dövlətlərinin Kardioonkoloji Konqresinə ev sahibliyi etməyi planlaşdırırıq. Konqresin proqramına yeni tibbi texnologiyaların və fundamental tibbin nailiyyətlərinin tətbiqinin praktiki aspektlərinə həsr olunmuş plenar və bölmə iclasları; orijinal tədqiqatın nəticələri; real klinik təcrübədən olan hallar əsasında klinik müzakirələr və debatlar; yeni klinik tövsiyələr daxildir.

İclas və simpoziumların internet yayımı tam istifadə üçün açıq olacaq ki, bu da həkimlərin davamlı tibb təhsili sistemində geniş iştirakı üçün unikal imkan yaradacaq. Əminəm ki, Konqresimiz, onun iştirakçıları və qonaqları, məruzəçilər və dinləyicilər bu miqyasda forumların keçirilməsini ən yüksək səviyyədə nümayiş etdirəcəklər.

Hörmətlə, Səhiyyə Nazirliyi Elmi-Tədqiqat Kardiologiya İnstitutunun direktoru, professor Gülnaz Dadaşova

Gülnaz Dadaşova

Səhiyyə Nazirliyi Elmi-Tədqiqat Kardiologiya İnstitutunun direktoru

Ümumi məlumat

Təşkilatçı

Azərbaycan Respublikası Səhiyyə Nazirliyi Elmi-Tədqiqat Kardiologiya İnstitutu
7 oktaybr Gülüstan Sarayı

Azərbaycan Respublikası Səhiyyə Nazirliyi Elmi-Tədqiqat Kardiologiya İnstitutu sizi 4-7 oktyabr 2024-cü il tarixlərində Azərbaycanın paytaxtı Bakı şəhərində keçiriləcək I Türk Dövlətləri Kardioonkoloji Konqresində iştirak etməyə dəvət edir.
Konqresin Elmi proqramı tədbirin başlanmasından 1 həftə öncə saytda yerləşdiriləcək. Konqresdə istifadə olunan dillər: Azərbaycan, türk və ingilis.
Konqresdə qeydiyyatdan keçən bütün iştirakçılar sertifikat alacaqlar.
I Türk Dövlətləri Kardioonkoloji Konqresi Azərbaycan Respublikasının Səhiyyə Nazirliyi tərəfindən 30 balla akkreditasiya olunub.

QEYDİYYAT
Bütün iştirakçılar üçün qeydiyyat tələb olunur. Konqresdə iştirak üçün son qeydiyyat tarixi: 2 oktyabr 2024-cü il sayt üzərindəndir.
Bütün Konqres iştirakçıları fərdi beydclərlə təmin olunacaqlar.
DİQQƏT! Konqresdə qeydiyyat ödənişsizdir.
Qurultayın rəsmi dili

Rəsmi dil azərbaycan, türk və ingilis dilidir. Oturumlar sinxron tərcümə ilə təmin olunacaq.